Выстава "Без тэрміну даўнасці"
У рамках Года гістарычнай памяці і святкавання 77-й гадавіны Перамогі ў Вялікай Айчыннай вайне вучні класа наведалі выставу “Без тэрміну даўнасці”, прысвечаную расследаванню крымінальнай справы пра генацыд беларускага народа падчас вайны, які накіраваны быў на планамернае фізічнае знішчэнне насельніцтва. Акрамя дакументаў надзвычайнай Дзяржаўнай камісіі СССР і новых звестак па справе ад Следчага камітэту Ашмянскага раёна, для экскурсантаў цікавымі былі экспанаты аб'ёмных прадметаў: дзверы карцара, прылады катаванняў з турмаў, снарады, выразкі з газет таго часу, пасведчанне каменданцкага часу, паштовыя лісты і запісаныя ўспаміны, рэшткі асабістых рэчаў вязняў лагераў смерці – мірных грамадзян і савецкіх ваеннапалонных. Каштоўнай падчас экскурсіі была таксама інфармацыя пра генацыд на роднай Ашмяншчыне.
Вучні зразумелі: яны як прадстаўнікі маладога пакалення павінны не толькі зберагчы памяць пра гераічнае мінулае нашага народа, але і працягнуць эстафету памяці.
